2026 թվականի ապրիլի 6-ին Երևանում կայացավ Հայաստանում բիզնես առաջնորդության ապագային նվիրված «Fast-Forward 2026» համաժողովը, որի գործընկերներից էր Wilco-ն: Wilco-ի հաճախորդների հետ աշխատանքի գծով գլխավոր մենեջեր Դավիթ Գասպարյանը մասնակցեց «Իրավահաջորդությունը հայկական բիզնեսում. ցանկալին և իրականը» պանելային քննարկմանը՝ Էդգար Ավետիսյանի (PROFAL ընկերության գլխավոր տնօրեն), Սանասար Բեգլարյանի («Ֆլեշ» ընկերության գործադիր տնօրեն) և Վարուժան Ավետիքյանի («Էվոկաբանկ»-ի խորհրդի նախագահ, Andersen in Armenia ընկերության կառավարող գործընկեր) հետ միասին:
Banks.am-ը հրապարակել է պանելային քննարկման ամփոփումը: Այն վարում էր «Մեդիամաքս»-ի տնօրեն Արա Թադևոսյանը։ Քննարկումը մեկտեղել էր բիզնեսի առաջնորդների և խորհրդատուների՝ քննարկելու հայկական բիզնեսը հաջորդ սերնդին փոխանցելու գործնական և մշակութային մարտահրավերները:
Դավիթը խոսել է Հայաստանում կապիտալի և ժառանգության թեմաների շուրջ հաճախ առկա մշակութային տաբուների մասին, ինչպես նաև ներկայացրել, թե ինչպես է Wilco-ն աշխատում հիմնադիրների հետ՝ ժառանգներին վաղ փուլից կապիտալի վերաբերյալ որոշումների կայացման մեջ ներգրավելու ուղղությամբ: Նա նաև ընդգծել է, որ իրավահաջորդությունը պետք է փոխանցի ոչ միայն փորձը, այլև քննադատական մտածողությունն ու որոշումներ կայացնելու մոտեցումները, և կարևորել է իրավահաջորդներին բիզնես գործընկերներին ու ընթացիկ գործարար հարաբերություններին հնարավորինս վաղ ծանոթացնելու նշանակությունը:
Կարդացեք պանելային քննարկման ամբողջական ամփոփումը Banks.am-ի կայքում:
